Ներկայումս Կոսովոյում է գտնվում 70 զինծառայողից բաղկացած հայ խաղաղապահների իններորդ հերթափոխը։ 2005 թվականից ի վեր, երբ Հայաստանը նոր էր սկսել հունական գումարտակի կազմում խաղաղապահ աառքելություն իարկանացնել, սա հայ զինծառայողների կրկնակի ավելացած առաջին կազմն է։ Հայկական վաշտը տեղակայված է Կոսովոյի հարավում գտնվող Ուրոշևաց քաղաքում։

«ԱՄՆ-ն և ՆԱՏՕ-ի անդամ-երկրները հասկանում են, որ դուք (խաղաղապահներդ) զոհողության եք գնում՝ հեռու լինելով հարազատներից և ընկերներից»,- ասաց նա ուրբաթ՝ Երևան-Պրիշտինա տեսակամուրջի ընթացքում։

Նրա խոսքով, ՆԱՏՕ-ն բարձր է գնահատում Կոսովոյի ժողովրդի անվտանգությունը և խաղաղությունը ապահովելու գործում հայ խաղաղապահների ջանքերը։

Իր հերթին, ՆԱՏՕ գլխավոր քարտուղարի տեղակալ Ժան-Ֆրանսուա Բյուրոն նշեց, որ Հայաստան մեծ ներդրում ունի Կոսովոյում կայունության և խաղաղության պահպանման գործում։

«Մենք գնահատում ենք Կոսովոյում ձեր ծառայության կարևորությունը և անվտանգության ապահովմանն ուղղված համատեղ ջանքեր ենք գործադրում»,-ասաց նա։ Բյուրոյի խոսքով, ՆԱՏՕ-ն բարձր է գնահատում հայկական խաղաղապահների կազմի ավելացման մասին ՀՀ ԱԺ-ի ընդունած որոշումը։

«Դուք առաջին գծում խաղաղության երաշխավորներն եք, և ես ցանկանում եմ ձեզ հաջողություններ մաղթել ձեր կարևոր առաքելության գործում»,- նշեց նա։