Հրադադարի ռեժիմը խախտելու՝ Ադրբեջանի փորձերը լարված իրավիճակ են ստեղծում տարածաշրջանում. ՆԱՏՕ-ում Հայաստանի առաքելության ղեկավար
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. Հրադադարի ռեժիմը խախտելու՝ ադրբեջանական կողմի փորձերը լարված իրավիճակ են ստեղծում տարածաշրջանում, ասաց ՆԱՏՕ-ում Հայաստանի առաքելության ղեկավար, դեսպան Սամվել Մկրտչյանը։

ՀՀ պաշտպանության նախարարության տվյալներով, այս տարեսկզբից սահմանի վրա գրանցվել են Ադրբեջանի կողմից հրադադարի ռեժիմի խախտման բազմաթիվ  դեպքեր։

	Հայաստանում խաղաղապահ բրիգադի ստեղծումը կընդլայնի երկրում այդ ոլորտի հնարավորությունները
	28/ 06/ 2008

ԵՐԵՎԱՆ, 28 հունիսի./Նովոստի-Արմենիա/. Հայաստանում խաղաղապահ բրիգադի ստեղծումը մեծապես կընդլայնի այդ ոլորտում մեր երկրի հնարավորությունները, կարծում է ՆԱՏՕ-ում Հայաստանի առաքելության ղեկավար Սամվել Մկրտչյանը։

Երկրի բարձրագույն ռազմական ղեկավարությունը բազմիցս հայտարարել է, որ ՆԱՏՕ-ի հետ անհատական գործընկերության ծրագրի շրջանակներում նախատեսում է 2015թ. ՆԱՏՕԻ-ի չափորոշիչներին համապատասխան խաղաղապահ բրիgադ ստեղծել։

	«Մանկական եվրատեսիլին» Հայաստանի ներկայացուցչի ընտրության առաջին փուլը կանցկացվի հունիսի 30-ին
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. «Մանկական եվրատեսիլ-2008» (Eurovision Junior 2008) մրցույթի Հայաստանի մասնակիցների ընտրության առաջին փուլը կանցկացվի Հայաստանի Հանրային հեռուստատեսության եթերում երկու օրվա ընթացքում՝ հունիսի 30-ին և հուլիսի 1-ին, հայտնեց մրցույթի համակարգող, «Էմմի-Բի» պրոդյուսերական կենտրոնի տնօրեն Նադեժդա Սարգսյանը։

	Հայաստանում, 2007 թվականի դեկտեմբերի համեմատությամբ, հունիսին սղաճը կազմել է 6,8 տոկոս,. վիճակագրություն
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. 2008 թվականի հունիսին սղաճը Հայաստանում նախորդ տարվա դեկտեմբերի համաեմատությամբ, կազմել է 6,8 տոկոս։

Վիճակագրական տեղեկությունների համաձայն, արդյունաբերական ապրանքների գների ցուցանիշը կազմել է 106,7 տոկոս, ոչ արդյունաբերական ապրանքներինը՝ 104,2 տոկոս, ծառայություններինը՝ 108,5 տոկոս։

	ՀՀ նախագահը ԵԱՀԿ ՄԽ համանախագահներին է ներկայացրել հայկական կողմի դիրքորշումը ղարաբաղյան հարցի վերաբերյալ
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. Հայաստանի նախագահ Սերժ Սարգսյանը շաբաթ ընդունել է ԵԱՀԿ Մինսկի խմբի համանախագահներ Բեռնար Ֆասիեին (Ֆրանսիա), Մեթյու Բրայզային (ԱՄՆ), Յուրի Մերզլյակովին (Ռուսաստան) և ԵԱՀԿ գործող նախագահի անձնական ներկայացուցիչ Անջեյ Կասպրշիկին, ովքեր Բաքվից Երևան են ժամանել տարածաշրջանային այցի շրջանակներում:

Ինչպես «Նովոստի-Արմենիա» գործակալությանը հայտնեցին ՀՀ ղեկավարի մամուլի ծառայությունից, հանդիպմանը քննարկվել են ղարաբաղյան հակամարտության կարգավորման մադրիդյան առաջարկությունների հետ կապված հարցեր։

Սերժ Սարգսյանը ներկայացրել է բանակցային գործընթացի վերաբերյալ հայկական կողմի տեսակետներն ու նկատառումները: Համանախագահները Հանրապետության նախագահին տեղեկացրել են Բաքվում Ադրբեջանի ղեկավարության հետ ունեցած հանդիպումների մասին։

	Սուդանում ավիավթարի հետևանքով զոհվածների թվում մեկ հայ կա
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. Ամենաքիչը յոթ մարդ է զոհվել Սուդանում ԱՆ-12 բեռնատար ինքնաթիռի վթարի հետևանքով, հաղորդում է «ՌԻԱ Նովոստին»՝ հղում անելով Ֆրանս Փրեսին։

Դեպքը տեղի է ունեցել ուրբաթ՝ մեկ ժամ և տաս րոպե անց այն բանից հետո, երբ ինքնաթիռը օդ է բարձրացել Խարտումից։ «Ջուբա Այրկարգո» ընկերությանը պատկանող ինքնաթիռում եղել են անձնակազմի ութ անդամներ, նրանցից հինգը Սուդանի քաղաքացիներ չէին։ Յոթը զոհվել են։

«Անձնակազմի ութ անդամներից մեկը ողջ է մնացել։ Զոհվածների թվում են Սուդանի երկու քաղաքացի, Ուկրաինայի չորս քաղաքացի և Հայաստանի մեկ քաղաքացի», - հայտարարել է քաղաքացիական ավիացիայի ներկայացուցիչ Ամդել Հաֆիզը (Abdel Hafiz)։

	ՌԵ-ն հուսով է վերականգնել Վրաստանի միջով ՌԴ-ի հետ Հայաստանի երկաթուղային հաղորդակցությանն առնչվող բանակցությունները
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. Ռուսական երկաթուղիների (ՌԵ) նախագահ Վլադիմիր Յակունինը հուսով է վերադառնալ որոշ ժամանակ առաջ քաղաքական պատճառներով ընդհատված բանակցային գործընթացին՝ Վրաստանի և Աբխազիայի միջով Ռուսաստանի հետ Հայաստանի ուղիղ երկաթուղային հաղորդկացության վերականգնման մասին։

	Ադրբեջանի ռազմատենչ հայտարարությունները բարդացնում են Ղարաբաղի շուրջ բանակցությունների առաջընթացը. ՀՀ ԱԳ նախարար
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. Ադրբեջանի իշխանության կողմից հնչող ռազմատենչ հայտարարությունները բարդացնում են Ղարաբաղի շուրջ բանակցային գործընթացում վստահության մթնոլորտի ստեղծումը և բանակցությունների առաջընթացը, ասել է ՀՀ արտգործանախարար Էդվարդ Նալբանդյանը՝ ԵԱՀԿ Մինսկի խմբի համանախագահներ Բեռնար Ֆասիեի (Ֆրանսիա), Մեթյու Բրայզայի (ԱՄՆ), Յուրի Մերզլյակովի (Ռուսաստան) և ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ հանդիպման ընթացքում։

	Ջերմուկում մեկնարկել է շախմատի միջազգային պատանեկան մրցաշարը
	28/ 06/ 2008

ԵՐԵՎԱՆ, 28 հունիսի. /Նովոստի-Արմենիա/. Շախմատի միջազգային պատանեկան  մրցաշարը մեկնարկել է նախօրեին՝ Ջերմուկ քաղաքում։

Ինչպես լրագրողներին հայտարարել է Chess շախմատի ակադեմիայի նախագահ, գրոսմայստեր Սմբատ Լպուտյանը, «Ջերմուկ-2008» բաց մրցաշարն անցկացվում է երրորդ անգամ և արդեն դարձել է ավանդական։ «Ջերմուկն իսկապես շախմատի քաղաք է դառնում», - ավելացրել է Լպուտյանը։

	Հայաստանը և Վրաստանը խորացնում են համագործակցությունը կրթության և գիտության ոլորտում
	27/ 06/ 2008

ԵՐԵՎԱՆ, 27 հունիսի./Նովոստի-Արմենիա/. Հայաստանի և Վրաստանի կրթության և գիտության նախարարներ Սպարտակ Սեյրանյանը և  Գեորգի Նոդիան ուրբաթ Երևանում ստորագրել են կրթության ոլորտում 2008-2011թթ. համագործակցության ծրագիրը։

«Երկու երկրների կրթական համակարգերում կան ընդհանուր խնդիրներ, մեր երկրներն անցել են բարեփոխումների նույն ճանապարհով»,- ասաց Սեյրանյանը համաձայնագիրը ստորագրելուց հետո։

Համաձայնագրի շրջանակներում կողմերը պարտավորվում են ամեն տարի միմյանց հատկացնել 10 ուսանողական և 5 ասպիրանտական կրթաթոշակ։